(1845-1895) Recuerdo histórico

link

Hubo dacuando un rey tan muyeriegu
q' en galantiar non mas pasaba 'l dia;
de l' ablucada España nunca 'l ruegu
quixo escuchar, que 'n el dolor xemía:
furruñosa la espada, po 'l sosiegu
la corona sin pena trocaria...
Isti tal don Rodrigo se llamaba
y mas q' a so nacion quixo á la CAVA.

Con un rey tan enxencle y galvaneru
sotripaben al pueblu los mandones,
y el godu ¡ probitin ! valiente y fieru
llegó á vese sin blanca y sin calzones;
el soberbiu africanu, siempre arteru,
apareya traidor mil escuadrones;
y al modu q' el raposu cái so 'l pitu
fará caiga 'l cristianu 'n el garlitu.

El conde don Xuliano, de traidoria
faciendo gala, va co 'l agarenu,
pos l' agraviu q' el rey fexo á la fía
púnxolu, com´hay Dios, fechu´n venenu;
ya cercanu se cuerre q´está´l día
q´el guerreru español y el sarracenu
en el campu s´alcuentren, y á llanzáes
entamen unos y utros y á mocáes.

¿ Viésteis dacuando´l foscu remolinu
llevantando al xiblar tal polvareda
que troca´l día´n noche y tronza´l pinu
y en pié nin horro nin panera queda ?
pos ansina los homes del indinu
Mahoma´l zancarrón, pe la alameda,
pe´l monte y argomal cuerren ufanos
de sotripar famientos los cristianos.

Relluciendo la cruz en ´os pendones
y en el cielo los godos enfotáos,
xuren morrer mil veces que collones(sic)
fuxir de la canaya escorripiáos;
¿Son pocos?Que mas da si son lleones
á esfarrapar los moros avezáos;
por eso la señal piden á miles
rucando del coraxe los caniles.
Escomienza la griesca...el griteríu
que llancen al topáse asorda´l vientu;
el ruxir de les armes, el troníu
remeda del nublau turbulentu;
el sol de tal llaceria condolíu
esmuciose ´nte nubes descontentu,
pos trago´l GUADALETE´n isi día
rey, vasallos,honor y monarquía.

Mas testigu de tantes desventures
Pelayu, al pocu tiempu, acongoxáu.
llegó de Covadonga á les altures
en 'a VIRXEN SANTÍSIMA enfotáu;
pocos son, pero bonos los astures
que manda xeneral tan esforzáu,
y en 'a CUEVA, un por un xuren sos llabios
vengar de GUADALETE los agravios.

Al sabello Munuza, de coraxe,
un puzcalabre fechu, de gruñíos
como nunca los dio fiera salvaxe
nin xamás escucharon los nacíos
sin pérdiga de tiempu entama 'l viaxe
en so fuelgo enfotáu y en sos bríos,
cuayando les colláes de guerreros
que paecen de moros formigueros.

Ya del bárbaru bandiu* les banderes
lluciendo están al sol la media lluna,
y del fierru al estruendu, hasta les fieres
fuxen de la feroz tropa moruna;
en tantu los cristianos, con sinceres
plegaries, al siñor, piden fortuna,
y á so MA, la doncella santa y pura,
ansina-i diz Pelayu con dolzura:

"Madre del salvador, reina y señora,
palombina sin mancha, clara estrella,
amparu del mortal, lluciente aurora,
alaxina de Cristo la mas bella;
azucena xentil, consoladora
del cristianu que xime y empapiella,
empréstame tu allentu soberanu
y non dexo á los moros güesu sanu.

llegó de Covadonga á les altures
en 'a VIRXEN SANTÍSIMA enfotáu;
pocos son, pero bonos los astures
que manda xeneral tan esforzáu,
y en 'a CUEVA, un por un xuren sos llabios
vengar de GUADALETE los agravios.

Al sabello Munuza, de coraxe,
un puzcalabre fechu, de gruñíos
como nunca los dio fiera salvaxe
nin xamás escucharon los nacíos
sin pérdiga de tiempu entama 'l viaxe
en so fuelgo enfotáu y en sos bríos,
cuayando les colláes de guerreros
que paecen de moros formigueros.

Ya del bárbaru bandiu* les banderes
lluciendo están al sol la media lluna,
y del fierru al estruendu, hasta les fieres
fuxen de la feroz tropa moruna;
en tantu los cristianos, con sinceres
plegaries, al siñor, piden fortuna,
y á so MA, la doncella santa y pura,
ansina-i diz Pelayu con dolzura:

"Madre del salvador, reina y señora,
palombina sin mancha, clara estrella,
amparu del mortal, lluciente aurora,
alaxina de Cristo la mas bella;
azucena xentil, consoladora
del cristianu que xime y empapiella,
empréstame tu allentu soberanu
y non dexo á los moros güesu sanu.
Ya sabeis lo demás, clemente 'l cielu,
peleó co 'l cristianu, y aquel dia
non dexaron mollera nin gargüelu
que quedás 'sin tocái la lotería;
d'entóncenes acá, foi isti suelu,
de mil gracies honráu por MARIA,
y por eso la xente del Hespiciu
la celebra con tantu rebulliciu.
¿ Queréis saber agora que faremos
si quiciáes el tiempu non lo enrieda,
y mil suertes de rifa vos vendemos
como tóos barruntamos q' asoceda ?
Ya sabéis que 'n el mundu 'n que nacemos
baila 'l perru y el gatu por moneda;
si nosotros xuntamos lo bastante
faremos lo siguiente, Dios mediante:

Cuando suenen les doce
del día siete
subira pe los aires
el primer cuete;
y otros doscientos
por facéi compañía
dirán contentos.

La charanga de casa
con sos tocates
fará q' hasta los coxos
pruyan les pates
y al son bailando
alegrines* les hores
dirán pasando.

Cuando 'l sol s' esmorcielle
pe 'l horizonte
y la lluna platiada
de lluz al monte,
sera llegada
la hora sabrosina
de la velada.
Si Venecia hasta agora
foi la primera
porque funde 'n fonciones
muncha cevera,
dientro de pocu
sabrá que pa nosotros
non val un mocu.

Cuntar los farolinos
de mil colores
q' allumarán los arcos
y corredores,
fora un trabayu
como cuntar les roses
de abril y mayu.

Los cueteros d'Uviéo
mas afamáos
trabayen dia y noche
muy apuráos,
pos habra ruéa
q' asordará la xente
q' esté 'n Cecea.

Xiraldes de llucero,
miles de cuetes
palenques, bufadores
y llamparetes,
foguera y globos
xuro q' a mas de cuatro
dexarán bobos.

Los músicos, fautores
d' estes funciones,
llenaran el espaciu
con guapos sones,
y al utru día
será frente de casa
la romería.

La mañana del llunes
ta consagrada
a la Virxen hermosa
nostra abogada,
y les niñines
llucirán e' na misa
sos vociquines.

Munches coses faremos
que non vos cunto
si mercáis papeletes
como barrunto;
pos sin cevera
golverase la fáula
de la lechera.